Hugskref hélt núvitundarmiðað námskeið hjá Þraut í febrúar og mars 2016 og var með áherslu á verki og vefjagigt. Námskeiðinu var almennt vel tekið og búist er við áframhaldandi samvinnu og fleiri námskeiðum hjá Þraut haustið 2016. Hægt verður að skrá sig bæði hjá edda@hugskref.is og hjá Þraut.

Hugskref vinnur að forathugun, í mars og apríl 2016, í samstarfi við Fjölskylduteymið hjá Heilsugæslunni Glæsibæ. Verið er að kanna áhrif af 8 vikna núvitundar-miðaðri hugrænni meðferð við kvíða og depurð unglinga. Verkefnið er styrkt af Lýðheilsusjóði, Hugskrefum og Heilsugæslunni.